തേങ്ങ ഉത്പാദനത്തില്‍ മൂന്നാം സ്ഥാനം മാത്രമാണിപ്പോള്‍ കേരളത്തിനുള്ളത്, തമിഴ്‌നാടും കര്‍ണാടകവുമാണ് ആദ്യ രണ്ടു സ്ഥാനങ്ങളില്‍.
By Harithakeralam
തെങ്ങ് ചതിക്കില്ലെന്നാണ് മലയാളത്തിലെ പ്രധാന പഴമൊഴി. എന്നാല്‍ കാലം മാറുന്നതിന് അനുസരിച്ച് പഴഞ്ചൊല്ലും തിരുത്തേണ്ട അവസ്ഥയിലാണ് കേരളത്തിലെ കേരകര്‍ഷകര്‍. തേങ്ങ ഉത്പാദനത്തില്‍ മൂന്നാം സ്ഥാനം മാത്രമാണിപ്പോള്‍ കേരളത്തിനുള്ളത്, തമിഴ്‌നാടും കര്‍ണാടകവുമാണ് ആദ്യ രണ്ടു സ്ഥാനങ്ങളില്‍. നമ്മുടെ കല്‍പ്പവൃക്ഷത്തിലെ കുത്തക കൈവെള്ളയില്‍ നിന്ന് ഒലിച്ചു പോയെന്നു വ്യക്തം. വില വര്‍ധിക്കുമ്പോഴും ഒരു കര്‍ഷകനൊരു ഗുണവും ലഭിക്കാത്തതിന്റെ കാരണം അന്വേഷിച്ചാല്‍ ഇതുമനസിലാകും.
കേന്ദ്ര സര്‍ക്കാര്‍ എണ്ണ ഇനങ്ങളുടെ ഇറക്കുമതി തീരുവ ഉയര്‍ത്തിയതോടെ കേരകര്‍ഷകരുടെ സമയം തെളിഞ്ഞിരിക്കുകയാണ്. വെളിച്ചെണ്ണ വില സര്‍വകാല റെക്കോര്‍ഡിലെത്തി നില്‍ക്കുന്നു. പച്ച തേങ്ങയ്ക്ക് കിലോ 50 മുതല്‍ 60 വരെ വിലയുണ്ട്. പക്ഷേ ഇതിന്റെ ഗുണം കൊണ്ടു പോയത് തമിഴ്‌നാട്ടിലെയും കര്‍ണാടകയിലെയും കര്‍ഷകരാണെന്നു മാത്രം. കാലങ്ങളായി തേങ്ങയ്ക്ക് വിലയിടിവായിരുന്നു, ഇതിനൊപ്പം രോഗ-കീടബാധകളും. തൊഴിലാളികളെ ലഭിക്കാനുള്ള ബുദ്ധിമുട്ടും വലിയ ചെലവുമായതോടെ നമ്മുടെ മിക്ക കര്‍ഷകരും തെങ്ങിനെ മറന്നു. ഇതോടെ വലിയ തോട്ടങ്ങള്‍ മുതല്‍ ചെറുകിട കര്‍ഷകര്‍ വരെ തെങ്ങിന് വേണ്ട പരിചരണം നല്‍കാതെയായി. ഇതോടെ ഉത്പാദനം കുത്തനെ കുറഞ്ഞു. 2017-18 കാലഘട്ടത്തില്‍ 800 കോടിയോളമായിരുന്നു കേരളത്തിലെ തേങ്ങ ഉത്പാദനം. കഴിഞ്ഞ സീസണില്‍ ഇത് 500 കോടിയില്‍ ഒതുങ്ങി. കഴിഞ്ഞ പോയ വേനല്‍ച്ചൂടില്‍ നന ഇല്ലാതായതും കീടങ്ങളുടെ ആക്രമണം കൂടിയതും ഉത്പാദനം കുത്തനെ കുറച്ചു. കേരളത്തിലെ മാറി മാറി വന്ന സര്‍ക്കാറുകള്‍ കേരകര്‍ഷകന് വേണ്ടി ഒന്നും ചെയ്തില്ല, ഇതും പ്രതിസന്ധിക്ക് ആക്കം കൂട്ടി.
.png)
എന്നാല്‍ അയല്‍ സംസ്ഥാനങ്ങളില്‍ സ്ഥിതി മറിച്ചായിരുന്നു. തമിഴ്‌നാട്ടിലെ പൊള്ളാച്ചി മേഖലയില്‍ സര്‍ക്കാര്‍ വലിയ രീതിയില്‍ തെങ്ങ് കൃഷി വ്യാപിപ്പിക്കാന്‍ പദ്ധതികള്‍ ആസൂത്രണം ചെയ്തു. ഇളനീരിനാണ് അവര്‍ പ്രാമുഖ്യം നല്‍കിയത്, ഇതോടെ പച്ചക്കറിക്കൊപ്പം കരിക്കും കേരളത്തിലേക്ക് കയറ്റിവിട്ട് തമിഴ്‌നാട്ടിലെ കര്‍ഷകര്‍ സമ്പന്നരായി. 600 കോടിയാണ് തമിഴ്‌നാട് കഴിഞ്ഞ സാമ്പത്തിക വര്‍ഷം തേങ്ങയില്‍ നിന്നും സമ്പാദിച്ചത്, കര്‍ണാടക 700 കോടിയും. ഈ രണ്ടു സംസ്ഥാനങ്ങളും ഓരോ വര്‍ഷവും തെങ്ങ് കൃഷിയില്‍ നടത്തുന്ന കുതിപ്പ് ഈ കണക്കില്‍ നിന്നും വ്യക്തമാണ്. ഈ സംസ്ഥാനങ്ങളിലെ സര്‍ക്കാറുകള്‍ നല്‍കുന്ന പ്രോത്സാഹനവും എടുത്ത് പറയേണ്ടതാണ്. വെളിച്ചെണ്ണയ്ക്ക് വില കൂടിയതോടെ തമിഴ്‌നാട്ടില്‍ നിന്നുമിപ്പോള്‍ കരിക്ക് വരുന്നില്ല. കൊപ്രയാക്കി വരുമാനം വര്‍ധിപ്പിക്കാനുള്ള ശ്രമമാണ് അവിടെയുള്ള കര്‍ഷകര്‍ നടത്തുന്നത്.
ഓരോ വര്‍ഷം ചെല്ലും തോറും കേരളത്തില്‍ തെങ്ങിന് തോട്ടങ്ങളുടെ വിസ്തൃതി കുറഞ്ഞു വരികയാണ്. എന്നാല്‍ തരിശു സ്ഥലങ്ങളിലെല്ലാം തെങ്ങിന് തൈ നടാനുള്ള സഹായം നല്‍കുകയാണ് തമിഴ്‌നാടും കര്‍ണാടകവും. ചകിരിയില്‍ നിന്നും ഉത്പന്നങ്ങള്‍ നിര്‍മിക്കുന്ന ധാരാളം യൂണിറ്റുകളും ഇതിനൊപ്പം തുടങ്ങുന്നുണ്ട്. സര്‍ക്കാറും കര്‍ഷകനുമെല്ലാം ഒത്തുപിടിച്ച് കഠിനാധ്വാനം നടത്തിയാലേ ഇനി പഴയ പ്രതാപം തിരിച്ചു പിടിക്കാന്‍ കേരളത്തിന് കഴിയുകയുള്ളൂ എന്ന് സാരം.
.jpg){kind=tracking}
കിലോയ്ക്ക് 700 രൂപയ്ക്ക് മുകളില്‍ വിലയുണ്ടെങ്കിലും ഉത്പാദനം കുറഞ്ഞതുമൂലം പ്രതിസന്ധിയിലാണ് കുരുമുളക് കര്‍ഷകര്‍. വേനല്‍മഴയാണ് ഇത്തവണ പ്രശ്‌നമുണ്ടാക്കിയത്. ആദ്യത്തെ മഴയിലാണ് കുരുമുളക് വള്ളികള്‍ തളിര്‍ക്കുന്നത്.…
By Harithakeralam
കറികള്‍ക്ക് രുചി വര്‍ധിപ്പിക്കാനും ജ്യൂസ് തയാറാക്കാനുമൊക്കെ നാം പുതിന ഉപയോഗിക്കാറുണ്ട്. ഈ ചൂടത്ത് പുതിന ഇലകൊണ്ടു തയാറാക്കിയ പാനീയം ഏറെ നല്ലതാണ്, എന്നാല്‍ എളുപ്പം നശിക്കുന്ന ഇലയായതിനാല്‍ വലിയ തോതില്‍ കീടനാശിനികള്‍…
By Harithakeralam
എക്കാലത്തും നല്ല വില ലഭിക്കുന്ന വിളയാണ് ജാതി. കേരളത്തില്‍ മിക്ക സ്ഥലങ്ങളിലും നല്ല പോലെ വിളവ് ജാതിയില്‍ നിന്നും ലഭിക്കും. കുരുമുളക്, ഏലം എന്നിവയെപ്പോലെ നമുക്ക് വിദേശ നാണ്യം നേടിത്തരുന്ന വിളയാണിത്. എന്നാല്‍…
By Harithakeralam
തേങ്ങയ്ക്കും വെളിച്ചെണ്ണയ്ക്കും നല്ല വില ലഭിക്കുന്നുണ്ടെങ്കിലും തെങ്ങില്‍ ഉത്പാദനം കുറവാണ്. വേനല്‍ച്ചൂട് ഇനിയും കൂടാന്‍ തന്നെയാണ് സാധ്യത. ഇതിനാല്‍ തെങ്ങിന് തോട്ടത്തില്‍ നല്ല പരിചരണം നല്‍കണം. ഇല്ലെങ്കില്‍…
By Harithakeralam
റബ്ബര്‍ബോര്‍ഡിന്റെ ആഭിമുഖ്യത്തില്‍ കേരളത്തിലെ റബ്ബര്‍തോട്ടങ്ങള്‍ ജിയോ മാപ്പിങ് ചെയ്യുന്ന നടപടികള്‍ക്ക് അടുത്ത ആഴ്ച തുടക്കമാകും. ഭൂമിയുടെ ഉടമസ്ഥാവകാശം, വിസ്തൃതി, റബ്ബര്‍തോട്ടങ്ങളുടെ അതിരുകള്‍ തുടങ്ങിയ…
By Harithakeralam
കേന്ദ്ര ബജറ്റില്‍ മഖാന ബോര്‍ഡ് സ്ഥാപിക്കുമെന്ന ധനന്ത്രി നിര്‍മല സീതാരാമന്റെ പ്രഖ്യാപനത്തോടെ ഗൂഗിള്‍ സെര്‍ച്ചില്‍ താരമായതാണ് മഖാനയാണ്. എന്താണ് മഖാനയെന്ന അന്വേഷണത്തിലായിരുന്നു ജനം. ഫോക്‌സ് നട്ട് അഥവാ താമര…
By Harithakeralam
തേങ്ങയ്ക്ക് നല്ല വിലയുണ്ടായിട്ടും കര്‍ഷകന് പ്രത്യേകിച്ച് ഗുണമൊന്നും കിട്ടിയിട്ടില്ല. കഴിഞ്ഞ വേനല്‍ കേരളത്തിലെ തെങ്ങുകളുടെ ഉത്പാദനം വളരെയധികം കുറച്ചു. നനയില്ലാത്ത തോട്ടങ്ങളില്‍ വിളവ് വിരലില്‍ എണ്ണാന്‍മാത്രമായി.…
By Harithakeralam
വിളവെടുപ്പ് സമയത്ത് ഇഞ്ചി വില കുത്തനെ കൂപ്പുകുത്തിയതോടെ പ്രതിസന്ധിയിലായി കര്‍ഷകര്‍. മറുനാട്ടില്‍ പോയി ഇഞ്ചികൃഷി ചെയ്യുന്നവരെ പിടിച്ചു നിര്‍ത്താന്‍ സംസ്ഥാന സര്‍ക്കാര്‍ ഇടപെടണമെന്ന് കര്‍ഷക…
By Harithakeralam
© All rights reserved | Powered by Otwo Designs
Leave a comment